A.S.Pushkin nomidagi Samarqand viloyat axborot kutubxona markazi elektron resurslardan foydalanish va o’quv zallari xizmati mutaxassislari Urgut tumanida joylashgan Yakub Tursunov nomidagi bolalar dam olish oromgohida “Bilag’onlar davrasida” nomli tadbir uyushtirdi.
Tashkilotchilar tomonidan bolalarga mo’ljalangan yangi adabiyotlar va audio kitoblar ko’rgazmasi tashkil etilib, barcha adabiyotlar to’g’risida mutaxassislar tomonidan ma’lumotlar berib o’tildi. Shundan so’ng bolalar oromgohi tarbiyalanuvchilari o’rtasida “Kitob va men”, “Men bilgan shoir va yozuvchi”, hamda “Chaqqon va bilag’on bolajon” tanlovlari o’tkazildi.
AKM tomonidan ushbu tanlovlarda faol ishtiroki uchun bir guruh tarbiyalanuvchilarga faxriy yorliq va kitoblar hadya etildi.
