2022-yil 23-aprel kuni Milliy matbuot markazida II Respublika «Kitobxonlik haftaligi» doirasida «Axborot-kutubxona a’lochisi» nomiga munosib topilganlarni taqdirlash marosimi bo‘lib o‘tdi. Unda axborot-kutubxona tizimini rivojlantirish, kutubxonalarda saqlanayotgan milliy madaniy merosni asrab-avaylash va boyitish ishlariga munosib hissa qo‘shgan, jamiyatda mutolaa madaniyati, kitobxonlikni keng targ‘ib qilish va yosh mutaxassis kadrlarni tayyorlash borasida kutubxonada samarali mehnat qilib kelayotgan А.S.Pushkin nomidagi axborot –kutubxona markazining Elektron resurslardan foydalanish va o‘quv zallari xizmati rahbari M.Kulovaga «Axborot-kutubxona a’lochisi» ko‘krak nishoni tantanali ravishda topshirildi.